TAKIM NË KODËR-KAMZË/ Mediu: Reflektoni thellë, dita e ndryshimit po vjen!

Qytetarët dhe bizneset e zonës Kodër Kamzë, po përballen me shumë vështirësi si rrjedhojë e lënies pasdore nga shteti. Kandidati me nr.7 i koalicionit “Aleanca për Ndryshim” Fatmir Mediu, zhvilloi takime në këtë zonë ku takoi qytetarët dhe foli gjerësisht për shqetësimet e tyre dhe kërkesat që ata kishin për politikën.
Gjatë këtij bashkëbisedimi z.Mediu theksoi se 25 prilli duhet të jetë një ditë reflektimi për t’i dhënë fund krimit dhe padrejtësive. Kandidati Mediu i ftoi qytetarët që të analizonin 8 vitet e kësaj qeverie dhe regresin që Shqipëria ka pësuar, gjë që tregohet qartë ………………. me emigracionin ku 74% e të rinjve shqiptarë duan të largohen nga vendi dhe mbi 90% e atyre që studiojnë jashtë  nuk duan të kthehen më.
Z.Mediu pohoi vështirësinë në të cilën gjendet vendi dhe rëndësinë e madhe që kanë qytetarët për të vendosur për të ardhmen, progresin dhe dinjitetin. Ndër të tjera ai pohoi se shqiptarët meritojnë një kryeministër dinjitoz, që nuk shan dhe fyen por që mendon për cdo shqiptar dhe të mirën e vendit.
“Lirinë, jetën, mundësinë për të ndërtuar mirëqënien dhe lumturinë tonë, na i ka falur Zoti dhe ne nuk mund t`i lëmë peng as te Edi Rama dhe te asnjë politikani tjetër. Prandaj është momenti që të reflektojmë të gjithë, të majtë dhe të djathtë, sepse po jua them me bindje që Edi Rama nuk përfaqëson as të majtën, as të djathtën, por kultin e njerëzve të cilët nuk njohin asgjë tjetër përvecse korrupsionit, krimit, pushtetit per interesat e tyre korruptive” u shpreh z.Mediu në përmbyllje të takimi të tij elektoral.

Comments are closed.