TAKIM TE NJËSIA 7/ Mediu: Më 25 prill, nëpërmjet besimit, të garantojmë ato që na ka falur Zoti: Lirinë dhe Jetën

Kandidati me numrin 7 i “Aleancës për Ndryshim”, Fatmir Mediu, zhvilloi disa takime me banorë dhe biznese në Njësinë nr.7 në Tiranë. Pronarët e këtyre biznesve gjatë takimve me z.Mediu deklaruan se po shkojnë drejt falimentimit për shkak të korrupsionit qeveritar dhe taksave të larta. Me qindra biznese u mbyllën nga pandemia, ndërkohë qeveria i rrëmbeu taksat cdo biznesi, pa i ndihmuar sic bëjnë vendet e tjera të rajonit. Gjatë takimit në familjen e një invalidi, me probleme të rënda shëndetësore, u evidentua mungesa e shtetit dhe perkujdesjes sociale. Përballimi I faturave shëndetësore, vështirësive të jetës, aq më shumë edhe faturat e COVID, janë kthyer një barrë të papërballueshme  ………….. për këto familje në vështirës. Në përfundim të takimeve në këtë zonë, Mediu u takua edhe me koordinatorët e Qarkut, si dhe përfaqësuesit e degës. Gjatë fjalës së tij, Mediu u shpreh se: “Ka një dëshpërim shumë të madh të shqiptarëve në raport me qeverinë. Edi Rama ka shkatërruar çdo element të shtetit, nuk ka barazi përballë ligjit, nuk ka institucione funksionale, nuk ka institucione që i shërbejnë qytetarëve, por kemi një strukturë tërësisht kriminale, të korruptuar, e cila po kërkon që të korruptojë dhe të manipulojë edhe zgjedhjet. Edi Rama ka shkatërruar ekonominë e këtij vendi, ka shkatërruar bizneset, ka shkatërruar mundësinë e punësimit, dhe ka krijuar eksodin më masiv të shqiptarëve, në mënyrë të qëllimshme, largimin e të rinjve dhe të rejave, profesionistëve nga ky vend, në mënyrë që t`a kontrollojë shoqërinë shqiptare dhe të kontrollojë dhe proceset zgjedhore, të mbajë pushtetin për qëllime të tij korruptive. Jemi në politikë sepse besojmë tek e mira dhe 25 Prilli është dita e republikanëve, për arsyen sepse janë njerëz të cilët besojnë në Zot, besojnë në familje, besojnë në komb, besojnë në të ardhmen e këtij vendi.

25 Prilli është dita e forcës së shqiptarëve dhe republikanët janë pjesë e kësaj force, për të ndryshuar Shqipërinë.
25 Prilli është bashkimi i shqiptarëve kundër së keqes dhe ne që besojmë, që duam familjen, duam Shqipërinë, duhet të bashkohemi me të gjithë shqiptarët, për t`i bërë ballë të keqes, të një regjimi të korruptuar të Edi Ramës.
25 Prilli është dita e përkushtimit karshi dinjitetit dhe lirisë, familjeve tona, kombit tonë, dhe ky është një motiv jashtëzakonisht i madh për të dalë dhe për të kërkuar që të votojmë në mënyrë masive, për të shmangur manipulimin që do të bëjë Edi Rama.
25 Prilli është dita ku ne, nëpërmjet besimit garantojmë ato cka na i ka falur Zoti, lirinë, jetën, mundësinë për të ndërtuar lumturinë dhe nuk mund t`i lëmë peng të Edi Ramës.
25 Prilli është detyra jonë qytetare, detyra jonë si shqiptarë, për t`u bashkuar kudo, në cdo cep të Shqipërisë, që ne të votojmë në mënyrë masive për t`a kthyer Shqipërinë në rrugën europiane, në rrugën e shpresës, mundësisë, prosperitetit dhe mirëqënies.

Ne këto duhet t`i kemi pjesë të mesazhit tonë kudo që shkojmë. Duhet patjetër që në këtë mungesë shprese dhe besimi, ne të jemi mesazherë të shpresës dhe besimit”.

Comments are closed.