Organizohet Forumi ”Refleksione mbi gjeopolitikën në Ballkan dhe Shqipëria”

Këshilli politik i Partisë Republikane organizoi Forumin për Sigurinë me temë: “Refleksione mbi gjeopolitikën në Ballkan dhe Shqipëria”. Në këtë takim merrnin pjesë të ftuar të rëndëishëm, pjesmarrës në strukturat ushtarake më të rëndësishme botërore, por edhe anëtarë të parlamentit evropian, si Lord David Richards, Ish Shefi I Shtabit të Ushtrisë Britanike, General Charles F. Wald, ish Komandant I Forcave Amerikane në Amerikë, Davis Phillips, këshilltarë në Administratën e Presidentëve Klinton, Bush dhe Obama, Ms. Anna Bonfrisco,…..….. anëtare e Parlamentit Europian,
Mr. George Tsereteli, president i Asmablesë Parlamentare të OSBE etj….Më poshtë pjesë nga diskutimet të zhvilluara online dhe të ndjekur nga anëtarësia dhe Këshilli Politik I Partisë Republikane:

Fatmir Mediu, kryetar i Partisë Republikane

Mirësevini në forumin “Reflektime mbi gjeopolitikën e Ballkanit Perëndimor”. Sot jemi të nderuar që na bashkohet një panel i shkëlqyeshëm gjeneralësh dhe politikanësh të mëdhenj nga të dy anët e Atlantikut, SHBA, MB dhe BE. Vetëm disa dekada më parë, Ballkani Perëndimor u trondit nga luftërat, mizoritë, gjenocidi dhe spastrimet etnike në një shkallë, të cilat konsideroheshin të pamundura në një Evropë të pas Luftës II Botërore. Të gjitha këto gjëra, shërbyen si një mësim se paqja dhe demokracia, janë një betejë e përditshme dhe jo vetëm një destinacion apo një ëndërr. Një mësim që fatkeqësisht sot duket se harrohet dhe vihet në pikëpyetje çdo ditë. Gjeopolitika në Ballkan ka ndryshuar shumë.  Vakuumi i krijuar nga SHBA dhe BE në vitet e fundit është i mbushur me ndikim dhe prani të Rusisë dhe Kinës në shumë aspekte. Ndërsa Rusia ka ndikim të fortë në Serbi, Bosnie&Hercegovinë, Mal i Zi, ka zgjeruar gjithashtu praninë e tyre ushtarake, inteligjencës, atë ekonomike dhe mediatike, Kina është bërë një faktor shumë i rëndësishëm ekonomik me investime në sektorët kryesorë të tillë si teknologji, infrastrukturë dhe energji që janë të lidhura me sigurinë tonë. Iniciativa 17 + 1 e udhëhequr nga Kina është shumë aktive dhe përfshin jo vetëm vendet e Ballkanit Perëndimor, por edhe anëtarët e BE. Shumica e udhëheqësve në Ballkan, janë të etur për të ndjekur dhe zbatuar kryesisht stilin kinez, rus ose turk të qeverisë së njerëzve të gjithëpushtetshëm. Si theksoi Dhoma e Lordëve në raportin e tyre të vitit 2018 “vendet në rajonin e Ballkanit perëndimor po kthehen drejt udhëheqjes autoritare, me një politikë nacionaliste dhe kapja e shtetit”. Njerëzit që qëndruan kundër qeverive të tyre diktatoriale dhe autoritare, sot duket se pranojnë regresin e demokracisë. Shumica e njerëzve të rinj dhe aktivë po largohen masivisht nga rajoni në BE, përmes programeve të punësimit, por edhe si azilkërkues duke krijuar një problem të madh politik, social dhe ekonomik për të tashmen dhe të ardhmen e rajonit tonë. Perëndimi nuk ka mundësi të vazhdojë këtë politikë vetëkënaqësie duke menduar se problemi do të zhduket vetvetiu, ose se aspirata e vetme e anëtarësimit në BE është e mjaftueshme për ta mbajtur rajonin në një rrugë drejt demokracisë dhe standardeve më të larta. Eshtë e qartë sot që udhëheqësit autoritarë, të korruptuar dhe kapja e shtetit po çon në një destabilizim afatgjatë. Ka besim të fortë që, duke u përballur me përçarjen nga Kina dhe Rusia, BE dhe SH.B.A. nuk mund të lejojnë këtl dhe të pranojnë paqëndrueshmërinë dhe mungesën e ndikimit në Ballkan.

Lord David Richards (Ish Shefi I Shtabit të Ushtrisë Britanike)

Ne duam një Ballkan të qëndrueshëm dhe disa vende janë më të mirë në këtë aspekt se të tjerët. Jam i sigurt që edhe pse nuk jam anëtar i Qeverisë Britanike, mund të them me shumë besim, se ky është qëllimi kryesor i qeverisë sonë pas Brexit, megjithatë, ajo që më shqetëson pak është se qeveria ka shumë probleme konkurruese me njëra tjetrën dhe mendoj se një takim si ky do të ndihmojë në renditjen e këtyre përparësive dhe Ballkanit në sytë e qeverisë Britanike.

General Charles F. Wald (Ish Komandant I Forcave Amerikane në Amerikë)

Besimi im është se mënyra e vetme që ne mund t’i përgjigjemi të gjitha sfidave të ndryshme që na jane në të gjithë botën, duam apo nuk duam, është përmes aleancave. Pjesa tjetër është nga pikëpamja e Amerikës për Evropën, prania jonë do të thotë diçka dhe nuk ka dyshim për këtë dhe kjo është arsyeja pse ne po ndihmojmë në Evropë ashtu si Mbretëria e Bashkuar dhe aleatët e tjerë. Nga ana tjetër, ne jemi gjithashtu 3 mijë milje më afër kërcënimit. Ne jemi ose në vendin e duhur në Evropë ose në Lindjen e Mesme. Për ata që besojnë se sjellja e trupave tanë në shtëpi do të kursejë para, është një argument i gabuar sepse nuk kursejmë para pasi shumica e objekteve tona në Evropë janë paguar tashmë dhe nuk kushton më shumë fluturimi i një aeroplani në Evropë se sa bën në Shtetet e Bashkuara dhe ne kemi mikpritës të shkëlqyeshëm në Evropë, por gjithashtu tregon përkushtimin tonë për rajonin. Unë mendoj se diskutimi për ne që tërhiqemi dhe largohemi nga Evropa është një nga gjërat më të këqija që ka ndodhur në karrierën time dhe unë mendoj se do ta ndalojmë atë, dhe unë mendoj se pa aleancat tona Shtetet e Bashkuara do të kenë një kohë të vështirë për të vazhduar.

Fatmir Mediu (kryetar i Partisë Republikane)

Gjeneral Wald, Unë do të doja të them se vërtet e vlerësoj qëndrimin tuaj në lidhje me këtë çështje dhe shpresoj se gjërat do të ndryshojnë, siç vlerësoj thirrjen e Presidentit Trump për një rritje të buxhetit të mbrojtjes të vendeve të NATO-s, e cila mendoj se ishte thirrja e duhur nga Presidenti I trupave amerikane dhe theksoj se duhet punuar me aleancën e NATO-s, veçanërisht kur jemi drejt një bote bipolare, Amerikës dhe Kinës, dhe mendoj se është shumë e rëndësishme të vëzhgohen disa aktivitete të Rusisë gjithashtu shqetësimet dhe kërcënime të tjera në detin Mesdhe, dhe në të tjera pjesë të Lindjes së Mesme.

Davis Phillips (Këshilltar në Administratën e Presidentëve Klinton, Bush dhe Obama)

Unë mendoj se ky proçes do të rivendosë bashkëpunimin më të ngushtë midis SHBA dhe çështjeve shqiptare në Shqipëri dhe Kosovë. Presidenti i zgjedhur Biden ka një histori të gjatë miqësie dhe bashkëpunimi me shqiptarët, ai ishte një zë i fuqishëm I sulmit kundër Sllobodan Millosheviçit në Bosnjë, duke udhëhequr përpjekjet për të hequr embargon e armëve; ai prezantoi rezolutën e vitit 1999 që autorizon përdorimin e forcës kundër forcave të armatosura jugosllave gjithashtu punoi me forca shumë palëshe për të bashkëpunuar më ngushtë me NATO-n gjatë ndërhyrjes. Ne mund të presim nga administrata e Biden një qasje më proaktive dhe ekuilibër ndaj Ballkanit.

Anna Bonfrisco (Anëtare e Parlamentit Europian)

Unë e shoh Ballkanin në Bashkimin Evropian si një rezultat natyror dhe një përbërës thelbësor në sigurinë e Evropës, gjithashtu në pajtim me historinë e kontinentit tonë. Unë mendoj se do të ndihemi më mirë nëse do të përballemi me sfidat e shekujve nëse jemi së bashku. Në vitet e fundit, Ballkani ka marrë përsëri një vëmendje të madhe nga Bashkimi Evropian, NATO dhe komuniteti ndërkombëtar.

George Tsereteli (President i Asmablesë Parlamentare të OSBE)

Kombet e Bashkuara dhe OSBE-ja kanë njohur një respekt të gjatë për të drejtat e njeriut dhe lirinë e parlamentit si çështjen kryesore të sigurisë. Shtetet pjesëmarrëse të OSBE-së përmes ratifikimit të tyre të dokumenteve themelore të OSBE-së dhe miratimit të deklaratave kryesore, kanë njohur që të drejtat e njeriut janë të drejta të lindura të patjetërsueshme për të gjitha qeniet njerëzore dhe përcaktohen me përgjegjësi në ligj.

General Robert Wheeler (Asistent i Sekretarit Amerikan të Mbrojtjes)

Çështja që ju sollët në fillim Fatmir, kur ju folët për faktin se të rinjtë po largohen nga rajoni i Ballkanit lidhet posacërisht me faktin se qeveritë po anojnë më shumë drejt një qeverisje të ngushtë autokratike. Unë mendoj se 5G përshtatet në të dy ato diskutime drejtpërdrejt. Nëse mendoni për 4G-në dhe 3G-në ato kanë qenë thjeshtë një ndërmarrje telefonike komerciale ku është thjesht më e lehtë të flasësh me njerëzit, por kur fillon të shkosh në 5G-në, ajo me të vërtetë luan dhe bëhet një infrastrukturë kritike për qeveritë, për ushtritë dhe për biznesin e madh në atë fushë të veçantë, dhe të them të drejtën, sot  është telefoni, ose pajisja të tjera elektronike mjeti komunikues që i lidh vërtet të rinjtë së bashku ditë e sotme.

Fatmir Mediu (Kryetar i Partisë Republikane)

Dhe për ta përfunduar, qëllimi im për këtë takim ishte që të sjell një grup të rinjsh të flasin për sigurinë. Siguria në besimin tim është shumë e rëndësishme për çdo qytetar, por veçanërisht për mirëkuptimin e brezit të ri të vendeve anëtar të NATO-s.  Ne duhet të vendosim përparësitë tona në vendin e duhur, nga ku fillon gjithçka, nga perspektiva evropiane dhe si një vend evropian. Nuk ka dyshim që stabiliteti pa demokraci nuk mund të ekzistojë, demokracia pa zgjedhje të lira dhe të ndershme ku njerëzit nuk mund të kenë zërin e tyre dhe të vendosin që votat e tyre nuk mund të ekzistojnë. Pra, ne duhet të shkojmë drejt mënyrës së duhur në ndërtimin e kombit tonë dhe të ardhmes sonë Evropiane, në mënyrë që t’u japim njerëzve një shans për zgjedhje të lira dhe të ndershme. Ata që përpiqen të kontrollojnë votat dhe jetën e njerëzve të tyre janë ata që janë kundër popullit të tyre dhe janë vetëm për veten dhe interesin e tyre, janë armiq të demokracisë.

Comments are closed.